出行除咗交通，最緊要梗係睇天氣，App1933照顧周到幫你諗埋，主頁左上角有「天氣資訊」鍵，撳入去實時天氣狀況和預測一目了然。

想知道點樣坐九巴同龍運去到你嘅目的地，只要打開App1933，撳右下角嘅「智能問路」，用語音或文字輸入起點和目的地，甚至唔知自己身處邊度，只要輸入「而家位置」都得，人工智能系統會幫你即刻搵出最佳巴士路線或轉乘組合。

升級後嘅App1933將eCoin錢包放在主頁右上角，查看餘額或用eCoin就更方便！只要登記成為club1933會員，每程九巴龍運或玩App1933小遊戲都會自動儲積分，用來兌換eCoin支付九巴龍運車資，或者做慈事捐贈非允利團體。

搵到要坐咩路線，都要搵到巴士站先上到車，用「步行前往此站」和「街景」功能就冇有怕！只要喺巴士站左邊快捷鍵「更多功能」入面，撳一撳就用到呢兩個功能，彈出想去果個巴士站嘅地圖或附近街景，教埋你點樣行去！搵啱巴士站記住用「收藏車站」，咁下次再去就唔使再搵過嘞！

架巴士仲有幾耐先到目的地？喺巴士站列表，撳一撳上車站左邊常用功能快捷鍵嘅「落車時間」公仔，就即刻知道分析實時交通狀況後，沿線巴士站嘅「預計落車時間」，仲睇到沿途交通情況，綠色代表暢通，深紅色就係嚴重擠塞。

九巴龍運網絡四通八達，想容易搵到同一個或鄰近巴士站有咩其他路線，只要喺巴士站列表上，巴士站左邊常用功能快捷鍵，撳一撳「鄰近路線」功能，就會列出果個巴士站附近仲有咩路線選擇。

上咗巴士坐低想休息吓，但又擔心唔記得落車？利用巴士站列表左邊常用功能快捷鍵「落車提示」啦！只要揀咗邊個站落車，頁面上會自動倒數仲有幾耐車程同幾多個站，差不多到落車站前更會有聲音或震動提示，咁就唔擔心「瞓過龍」啦！

有冇發現實時顯示車廂載客量圖表上多咗個人像公仔？當載客量去到一定程度，公仔就會由座位變成企位，咁就更加容易了解嗰班車嘅載客情況，預計到有無位坐定係可能需要企，規劃行程更有預算啦！

除咗新功能，App1933仲換咗更簡潔嘅版面設計，將「九巴月票」、「寵物巴士」、「實時對話」、「轉車站」、「航班資訊」等功能集合晒喺右下角嘅「百寶袋」度，唔使喺App入面周圍搵。而家仲加咗「意見欄」，有乜意見就可以隨時提出啦!